زلزال حلب وادلب

زلـــــــــــــــــ1997ــــزال : كنت في السابع عشرة من عمري , في تعزية صديقي , بوفاة والده , بيته كان في الطابق الرابع ,كنت جالسا" جانب الشيخ الذي كان عم يرمقني بنظرات مريبة , مابعرف ليش كانوا يكرهوني المشايخ و اساتذة العربي , كان الشيخ عم يحكي عن القضاء و القدر و أنه كل شي مقسوم بالحياة و الموت كمان مقسوم و محدّد بالدقيقة و الثانية , و الواحد مالازم يخاف من الموت و من القضاء و القدر و يبتسم دايما , و كل شوي يطلع فيني و كأنه عم يتوعدّني بنار جهنم و بئس المصير .. أنا كنت قاعد عاقل وعم اسمع الخطبة المكررة شي مليون مرة , عملت حالي منسجم معه من شان ما يزعل مني و يغير نظرته فيني , و فجأة !!!! الثريا صارت عم تتأرجح و الطاولة انزاحت من محلها و كاسة المي وقعت ع الارض , و انا مرعوب و مو عرفان شو صاير ...و صرخ الشيخ : زلزاااااال .... الناس كلها ركضت على باب البيت و صارت تنزل على درج البناية , طبعا انا كنت صغير و كالزئبق توغلت بين الناس و صرت اول واحد عم انزل ع الدرج بسرعة ... و فجأة لاقيت جنبي الشيخ عم يركض معي و سبقني , صار هو بالمرتبة الأولى و انا بالمرتبة التانية ... وصلنا كلنا على باب البناية , و تبيّن انه زلزال , و الناس صارت تحكي عن الزلزال و بعد ربع ساعة رجعنا طلعنا ع البيت , و قعدت انا جنب الشيخ !!! الشيخ شرب 4 طاسات رعبة , و ابتسم و قال : سنكمل الخطبة ... قاطعته و قلت له : اشبك شيخي ؟؟؟ ع اساس انت ما بتخاف و الموت علينا حق , اي أخذت الميدالية الذهبية في رياضة الجري و القفز على الحواجز ... خير ان شاءلله ؟؟ نظر الي الشيخ نظرة , و الشرار عم يطلع من عيونه , يعني كمية الشرار الطالعة أقوى من الالعاب النارية اللي صارت ببرج العرب بدبي بحفلة راس السنة .. فسكتت و قعدت متل القطة رجعت ع البيت , لاقيت الوالدة حزمت كل ماخف وزنه و ثقل ثمنه و كل الأوراق الثبوتية و الحكومية و اخراجات قيد و بونات السكر و الشاي , قلتلها : اش في ؟؟ بدك تحردي عند أهلك ؟ قالت لي : لا .. حكيت مع وفاء و غصون و ماوية قالولي أنه رح يرجع يصير عنا زلزال الساعة 12 بالليل قلتلها : يا امي , اللي اخترع مقياس ريختر ( عبد اللطيف ريختر ) ماكان بيعرف ايمتى موعد الزلزال , فوفاء و غصون و ماوية شو عرفهم ؟ قالت لي : قوم طلاع معنا رح نطلع ع المحلّق , ابوك يصطفل مابدو يروح و رح ينام في البيت بس رح يحط تليفون اللاسلكي جنبه من شان اذا صار شي نخبره و نتطمن عليه .. قلتلها : يا امي .. بلا صغر عقل ...مارح نطلع قالت لي : خواتك البنات جاهزات .. بغضب عليك اذا مابتروح فهمت ؟؟ قلتلها : لااا كل شي الا غضبك يا امي , انتي كمان و الشيخ ؟؟ لاااا خلص بروح ... ودعت ابوي , وطلعت ع المحلق مع أهلي ...و كانت المفاجأة !!!! أهالي حلب كلها بالمحلق , الكش و الشوي شغالين و بياعين البوشار و البليلة ماعم يلحقوا بيع النسوان عبارة عن بطاريق و دببة , كياس المصاري و الصيغة محشيين حشي جوا الكرش ... يعني كمية الذهب و الفضة و المصاري الموجودة بالمحلّق , كافية لترجيع الدولار الى 4 ليرات ... الكل متخوف من الزلزال .... و صارت الساعة 12و نص ما صار هزة و لا صار شي ... أمي وقفت صبية قالتلها : ايمتى الزلزال بنتي مو ع اساس بال 12 ؟ ( يا ربي دخيلك ... عم تسأل ايمتى الزلزال؟ ... أين انتم ايها اليابانبون ؟شلون بقا ؟ ) قالتلها الصبية : وصل الزلزال لادلب و بقيله نصف ساعة و بيصير بحلب !!!!!!!! انا هون صرت اضرب حالي بالشحاطة و انا عم اسمع النقاش , الزلزال جاي بالكرنك يعني ؟ وااااخ و أنا عم اتفرج , 3 بنات انخطبوا بالمحلق, شافوهم نسوان و أخدوا موعد للشوفة .. صارت الساعة 2 و الناس ضاجت و اقتنعت أنه مافي زلزال اليوم .. و أغلبيتهم قرروا المجيئ في اليوم الثاني بنفس التوقيت ع المحلق ( لأنه الزلزال بيجي الساعة 12 بنفس توقيت سندريلا لما بتشلح كندرتها ) رجعنا ع البيت , أبوي كان نايم و اللاسلكي جنبه وفاء رفيقة امي انسرق بيتها متلها متل أغلبية الناس غصون انتشلت سيارتها ماوية سليمة مثلنا ... الحمدلله دائما على نعمة الحياة , الزلزال لا يمكن أحد ان يتوقعه إلا قبل ثواني من حدوثه , بس عنا غير .. كانت ذكريات حلوة ...كنا نحب الحياة و نحب نعيش بس نحن صرنا أقوى بكتير ..قاعدين بالبيت و عم نسمع اصوات القذائف عم تنزل جنبنا و نقول : الحمدلله ... حدثت عام 1997 د.حسام وتار (ابوبكري)

مقالاتي

لما بتقعد وحدك بتفكر وبتسكر الباب على حالك بتشعل حوليك 3 شموع مابيبقى معك غير خيالك بيطلع معك حل الازمه عند الاسلام وكل العرب بتعرف كيف تأظهر يلي ضرب ويلي هرب في عالمنا مافي شب الا ومالو مهموم بياكل طعنه غدر من صاحبو والامر مو مفهوم

كلام من ذهب

هز راسك واسمع بس هالكلمتين المصايب بتجيك ومابتعرف منين مخك سميك مابيعرف يلين فتح عينك بتعرف حالك انت وين مصايب كتيره والعيشه بالدين لما تناجي ربك بترفع ايديك التنين سلبو افكارك لما قدرت تحكي ظلمو ايامك وقعدت تبكي مسكت مخك وعى ايدك صرت تركيه فضيت قلبك لربك ولوحدو قدرت تشكي

ادلب تنادي

انا اتألم ابكي بهدوء واناشد الجميع اصرخ لتدمير بيوتي كلها فهل من سميع يلبي الدعم لي ويأتي ليناشد معي انا ادلب الخضراء بسوريا موقعي ذهبت دمشق وانقذت وتدمرت وبقيت حلب متحدا معي وقطع تراثها الدهب لم يبقى شيء في أرضي الا وذهب اين العالم اين البشر الوضع قد انقلب صرخ الطفل وقال ارجعولي ابي وكيف لي انا اشرب وتوفيت امي تيتمت من صغر سني وهاانا اليوم اتكلم للعالم قصتي ولا ارى القوم اتحمل كل هذا ولا ادعي لأحد اللوم يوم ورا يوم ميت ادافع عن نفسي بصفتي انا لا احد طفل صغير مات جوعا وفي قلبه حقد كان هذا الطفل يعيش في بيته ومليئ بالحسد والحرب نيرانها طويله في جيدها حبل من مسد اين الاسلام اين العرب اين اقوياء الامه في بلادي سائت حالتنا وتفرقت اللمه رضيع توفيت امه والشعب يبحث عن اللقمة تحولت النقمه لأصحاب القلوب السوداء كالفحمه النا الله يا ادلب لا تخافي الك الله بكرا بترجعي اكبر واحلا على صبرك بس قولي الله رح ترجع العالم لشوارعك وتقول ماشاالله والشعب فيكي يفرح وليدخل نطالعو بره انتي عريقه ام الابطال وبالاخص نولد فيكي ابراهيم هنانو لو كانو اجدادنا معنا لما قبلو انو احفادن ينهانو تاريخ عظيم الك سوريا وكان العالم يرجف منك واليوم لما وقعتي ماسندك حدا وقتلو ولادك قدامك

الاسلام راية ترفع ولا تقهر

انا حبيت احكي هالكم شغلة عن ديني لأنو ديني هو شيء عظيم بالنسبة لألي شفت مقطع ع الفيس بوك حرق قلبي كتير وتمنيت لو كنت كاسر التلفون او حارق الفيس كلو ولا شايف هيك فيديو بيهين الاسلام والدين الاسلامي ويلي عامل هالفيديو اكيد من شان ينشهر او صاير معو شي قصة من شخص مسلم الفيديو هو عبارة عن شب اجنبي مشغل نار وعم يشق صفحات القران الكريم صفحة صفحة وعم يحرقن وطبعا عم يعمل كتير شغلات واستغفر الله العظيم ماضروري احكيا انا ومالازم اسب اهلو او اشتم دينو لأنو الاديان شئ عظيم ومقدسة مابيصر نغلط عليهم طبعا دققت ع الفيديو واكتشفت انو كل العالم وكل الدول والناس عندن حقد ع الاسلام انا بصراحة تعقدت نفسيتي يعني اديش ماكان بيبقى اسمي مسلم لو ماعم صلي او ماعم صوم بس ديني راية مرفوعة وعالية وعظيمة ولا تقهر وبيبقى اسمي مسلم طبعا وتمنيت كون جنب هالشخص يلي عم يعمل هيك شي لأدافع عن ديني لأنو ديني غالي علي اكتر من اهلي واكتر من ولادي وديني هو عرضي واغلا من عرضي بس العالم الحاقدة ع ديني بنفس الوقت بقول حقن يكرهونا و يحقدو علينا لأنو اكتر الاسلام متشتت وبحب الحرب وسفك الدماء وهالغرب ماشافو هالشغلات غير عند الاسلام بس بنفس الوقت مابيصير لا هنن ولا الاكبر منن يتعالو ع الدين الاسلامي لأنو سيدنا محمد صلى الله عليه وسلم علمنا انو ديننا دين العلم ودين التوبة والطاعة وديننا دين نصيحة بس اكتر عتاباتي ع الاسلام الحق علينا نحن لأنو اكتر الشباب يلي شفتا بحياتي بيكفرو بسأم الرب وكأنو عادي ماصار شي ولما بتحكي على عرضن وشرفن بتلب الدني بوشن وبتقوم القيامة

يعني نحن بالمختصر المفيد لسه جاهلين

وأول مثال هو العرب يلي اكترن اسلام مابيتحدو لحتى ينصرو دينن

فألى الله المشتكة

وحسبنا الله ونعم الوكيل